OZAMIZ
CITY—Sugod karong adlawa, Abril 1, moinat pa ug katorse ka adlaw ang community
quarantine (CQ), mao kini hukom ni Mayor Ando Oaminal.
Gianunsiyo
ni Oaminal ang iyang executive order kagahapon kabahin niini.
Didto
sa bag-o niyang EO, gibutang sa mayor ang paglugway usab sa mga dili angay
buhaton ug asa kutob lamang ang buhaton nga maoy unod sa nahaunang mga executive
orders nga iyang gipagawas.
Kini
tanan maoy paglantaw sa corona virus nga dili makasulod sa dakbayan. Pareha ra
gihapon ang nakalatid, dugang sa mayor, striktohon lang pagpatuman ug
kinahanglan tumanon sa tanan.
Hangtod
karong adlawa, kamulo pa ang pagpanghatag sa mga relief goods sa tanang household
sa siyudad.
Sa
iyang facebook post, gibutyag sa mayor nga niadtong Sabado, miabot 15 na ka
barangay ang nalibot pagpanghatag sa mga BHW ug iyang mga tawo sa hilit nga mga
barangay ug kabukirang bahin. Karong adlawa, nabantayan sila nga anaa na Brgy.
Lam-an.
Sa
impormasyong nakuha, ang relief goods gilangkoban sa 10 kilos sa bugas, 10 ka
canned sardines ug one-half kilo nga bihon.
Personal
kini nga itunol sa mga kabalayan sa tagsa-tagsa ka putos ug dawaton sa pultahan
lamang aron malikayan ang panagtapok ug ma-obserba ang social distancing.
Ang
pagpanghatag sa mga relief goods apil ang hiniusang tampo nila ni Gov. Philip
Tan ug 2nd District Rep. Henry Oaminal.
“Magtinabangay
kita, ang pagpang hatag sa relief goods kinahanglan kada household and makadawat.
Walay pili, dili kada pamilya,” matod ni Oaminal.
Kung
ang household wala makadawat, mao na ang panahon nga pahibaloon ang executive assistant
ni Oaminal nga si Rino Karlo Lim. Dili pwede ang moreklamo daan unya wala pa diay
nalista.
“Hulaton
nato mahuman ug wala ba gyud naapil. Kung on-going pa, ayaw sa mo pag message.
Hulata nga maapil ang inyong barangay sa lista nga na-declare nga nahuman na. Kung
nakadawat na mo, ayaw na usab pag message,” pagpatin-aw niya.
“Kining
atong krisis karon, dili ta mag malamposon kung dili kita magkahiusa. Undang na
sa pag-pangdaot kay wala kitay maabot. Undang na ta sa pag-pangaway, kay ang
virus dili nato diha mapatay, dugang sulti ni Oaminal.
“Kung
nag kulang man gani pagpanglista, hinaot sabton nato ni. Tabangan nato ma-insakto
ug sundon nato ang saktong mga pamaagi. Mag-ampo kita nga giyahan ug
protektahan kanunay,” panapos niya. ( M. MEDINA via DEXTER MANUGAS)